 |
|
||||||||||
|
|
|
|
||||||||||
|
|
Дэлегатамі на Форум абаралі 8 студэнтаў ЕГУПравесці сход прапанавалі самі студэнты Еўрапейскага гуманітарнага ўніверсітэту, якія зараз вучацца ў Вільні. У мерапрыемстве ўдзельнічала 20 чалавек. Маладзёны праявілі надзвычай вялікую цікавасць да сустрэчы. Складалася ўражанне, што яны шчыра жадаюць выкарыстаць атрыманыя ў ЕГУ сучасныя веды на карысць Беларусі. Памочнік старшыні Руху "За Свабоду" Алесь Лагвінец распавёў студэнтам пра мэты і задачы Беларускага Еўрапейскага Форуму, ягоную ролю ў стварэнні пастаяннай пляцоўкі для дыялогу паміж Еўразвязам і Беларуссю з абавязковым удзелам грамадзянскай супольнасці. Вялікае значэнне Беларускі Еўрапейскі Форум мае для папулярызацыі еўрапейскіх каштоўнасцяў і актывізацыі праеўрапейскіх настрояў у беларускім грамадстве. Беларускія студэнты вылучылі са сваіх шэрагаў у дэлегаты на Беларускі Еўрапейскі Форум восем чалавек. Яны адмыслова прыедуць ў Мінск 14 лістапада для удзелу ў мерапрыемстве. |
Агульная інфармацыя пра
Беларускі Еўрапейскі Форум Беларускі Еўрапейскі Форум, які меў на мэце мабілізацыю прыхільнікаў еўраінтэграцыі, адбыўся 14 лістапада ў палацы культуры МАЗ. У мерапрыемсіве ўзялі ўдзел 1023 чалавекі, з іх – 827 дэлегатаў Беларускага Еўрапейскага Форуму, пераважная частка якіх была вылучана на 97 сходах, што праходзілі па ўсёй краіне. Дэлегаты прынялі ўдзел у дыскусіях падчас працы секцый "Палітыка", "Грамадства" і "Эканоміка". У межах Форуму былі праведзены фотаконкурс і віктарына, працавала фотазона, былі выраблены і буклеты з інфармацыяй пра перавагі еўраінтэграцыі для розных сацыяльных групаў насельніцтва. Пасля абмеркаванняў Форум прыняў рэзалюцыю і стратэгічны план дзеянняў праеўрапейскіх сіл на бліжэйшы час, які накіраваны на збліжэнне Беларусі з Еўразвязам. Шаноўныя дэлегаты!
Вы маеце магымасць атрымаць уласныя фотаздымкі, якія былі зроблены у фотазоне пад час форуму. Для гэтага дашліце на адрас info@milinkevich.org сваё імя, адрас і кантактны тэлефон. Абавязкова пазначце адрас старонкі, дзе размешчаны здымак. Цягам пяці працоўных дзён Вам адкажуць. |
