Ганцаўшчыну на Беларускім Еурапейскім Форуме прадставяць пяць дэлегатаў

Такое рашэнне прынялі жыхары горада і раёна на сходзе, які прайшоў 5 кастрычніка.

На сходзе ганцаўчан выступіў кіраўнік Брэсцкага абласнога аргкамітэту Беларускага Еурапейкага Форуму, каардынатар Руху «За Свабоду» па Берасцейшчыне Зміцер Трэцяк, які паспавёў прысутным пра мэты і значнасць правядзення агульнанацыянальнага мерапрыемства, пра важнасць удзелу ў ім найбольш шырокага кола грамадства.

Зміцер Трэццяк агучыў інфармацыю аб тым, што ўсё больш грамадзян Беларусі выказваюцца за курс развіцця краіны і ўступленне ў ЕС, чым за аб'яднанне з Расіяй.

- Згодна з апошнім сацыялагічным апытаннем, праведеным зусім нядаўна НІСІПІ, колькасць рэспандэнтаў, якія выбралі далучэнне да ЕС склала 42.7%, а за саюз з Расіяй галасы аддалі 38.3%. Ранней прыхільнікаў Масквы было заўсёды больш! - адзанчыў Зміцер Трэцяк.

Удзельнікі сходу выразілі цікаваць да працэсаў, якія зараз адбываюцца ў краіне, абмеркавалі палітычную сітуацыю ў Беларусі і магчымасці развіцця сацыяльна-эканамічных адносін у выпадку усталявання больш цесных стасункаў з краінамі Еўразвязу.

Паводле абласнога каардынатара Руху "За Свабоду", адным з матываў удзелу у Форуме ганцаўчан з'яўляецца цікаваць і жаданне даведацца аб пазіцыі прадстаўнікоў еўрапейскай супольнісці наконт канкрэтных крокаў па інвестыцыях і развіцці малых гарадоў і рэгіёнаў.

- Дзякуючы гэтаму форуму магчыма ўлада зразумее, што акрамя тых хто знаходзіцца пры пасадах, ёсць яшчэ тысячы людзей, якія жадаюць і могуць прыносіць дзяржаве карысць, – выказаўся адзін з удзельнікаў сходу.

Паводле вынікаў галасавання, Ганцавіцкі раён Брэсцкай вобласці на Беларускім Еурапейскім Форуме будуць прадстаўляць пяць дэлегатаў. Нагадаем, мерапрыемства мае адбыцца ў Мінску 14 лістапада.